שיר לַֽמַּעֲל֥וֹת
אֶשָּׂא עֵינַי אֶל־הֶֽהָרִים    מֵאַ֗יִן יָבֹא עֶזְרִֽי׃
ב עֶזְרִי מֵעִם יְהוָה    עֹשֵׂה שָׁמַיִם וָאָֽרֶץ׃
ג אַל־יִתֵּן לַמּ֣וֹט רַגְלֶךָ    אַל־יָנ֗וּם שֹֽׁמְרֶֽךָ׃
ד הִנֵּה לֹֽא־יָנוּם וְלֹא יִישָׁן    שׁ֝וֹמֵר יִשְׂרָאֵֽל׃
ה יְהוָה שֹֽׁמְרֶךָ    יְהוָה צִלְּךָ עַל־יַד יְמִינֶֽךָ׃
ו יוֹמָם הַשֶּׁמֶשׁ לֹֽא־יַכֶּכָּה   וְיָרֵחַ בַּלָּֽיְלָה׃
ז יְֽהוָה יִשְׁמָרְךָ מִכָּל־רָע    יִשְׁמֹר אֶת־נַפְשֶֽׁךָ׃
ח יְֽהוָה יִשְׁמָר־צֵֽאתְךָ וּבוֹאֶךָ    מֵֽעַתָּה וְעַד־עוֹלָֽם׃

---

----------